اور خوشحالی کا گیٹ وےحلقہ چکڑالہ ایک تاریخی، زرخیز اور باصلاحیت خطہ، جو دینی، تعلیمی اور سماجی میدانوں میں ایک خاص مقام رکھتا ہے، آج جدید دور کے ایک بنیادی تقاضے کے لیے پُرزور مطالبہ کر رہا ہے، اور وہ ہے:*مسان انٹرچینج کی فوری منظوری اور تعمیر”*سی پیک جیسے اہم قومی شاہکار منصوبے کی قربت کے باوجود، چکڑالہ، کنڈ، رکھی، کلری بن حافظ جی تھمے والی، ڈھرنکہ ڈھوک علی خان، نمل سکیسر تک علاقہ اور کوہستان نمک کے دیہات اور دیگر ملحقہ علاقے اب تک اس عظیم سہولت سے محروم ہیں۔ مسان انٹرچینج نہ صرف اس خلا کو پُر کرے گا بلکہ علاقے کی تقدیر بدلنے والا سنگِ میل ثابت ہوگا۔*اس منصوبے کے اثرات کیا ہوں گے( 1) *غربت کا خاتمہ*مقامی لوگوں کو سی پیک سے منسلک کرنے سے روزگار، تجارت، ٹرانسپورٹ اور سروسز کے بے شمار مواقع ملیں گے، جو گھروں میں خوشحالی لائیں گے۔(2)زرعی زمینوں کی قدر میں کئی گنا اضافہ ہو گا*کسانوں کو اپنی پیداوار کی بہتر قیمت ملے گی۔ کھیتوں سے منڈیوں تک سامان کی تیز تر ترسیل ممکن ہوگی۔ زمینوں کی خرید و فروخت میں تحریک پیدا ہوگی۔(3) تعلیم اور صحت کی آسان رسائی ہو گی*طلبہ کو بڑے تعلیمی اداروں تک جلد پہنچنے کی سہولت ہو گی۔ مریضوں کو اسلام آباد اور دیگر بڑے شہروں کے ہسپتالوں تک بروقت پہنچانے میں رسائی ملے گی۔(4) نوجوانوں کے لیے روزگار کے مواقع*ٹرانسپورٹ، ہوٹلنگ، ورکشاپس، سروس ایریاز اور لوکل بزنسز کو فروغ ملے گا، جس سے ہزاروں نوجوانوں کو روزگار مل سکتا ہے، ہمارے وہ نوجوان جو روز گار کیلئے دوسرے شہروں کا رخ کرتے ہیں انہیں اپنے علاقوں میں گھر کے نزدیک روز گار کے مواقع میسر ہوں گے ( 5) سیاحت، تجارت اور تعمیرات میں ترقی ہو گی*کوہستان نمک کی خوبصورتی، علاقائی ثقافت، اور قدرتی وسائل کی بدولت سیاحتی سرگرمیاں پروان چڑھیں گی۔ تجارتی سرگرمیوں میں اضافہ اور نئی تعمیرات سے معاشی ترقی آئے گی۔(6) پورے خطے کی جغرافیائی اہمیت میں اضافہ ہو گا یہ انٹرچینج ضلع میانوالی، خوشاب اور چکوال کے سنگم پر واقع ہوگا، جو اسے ایک اسٹریٹجک اور معاشی حب میں تبدیل کر دے گا۔*علاقے کے عوام کا عوامی مطالبہ ہے*یہ صرف ترقی کا ایک مطالبہ نہیں، بلکہ انصاف اور حق تلفی کے ازالے کی صدا ہے۔ آج حلقہ چکڑالہ کے غیور عوام، ہر طبقہ فکر، ہر گاؤں، ہر زبان بولنے والا ایک ہی آواز بلند کر رہا ہے مسان انٹرچینج ہمارا حق ہے — ہمیں یہ فوری چاہیےحکومتِ وقت، منتخب نمائندوں اور نیشنل ہائی وے اتھارٹی سے پُرزور اپیل ہے کہ وہ اس اہم عوامی مطالبے کو فوراً منظور کر کے علاقے کے لوگوں کو یہ بنیادی سہولت فراہم کریں۔