میانوالی وزیرا علیٰ پنجاب محترمہ مریم نواز کے متوقع دورہ میانوالی کے سلسلہ میں صوبائی وزیر ٹرانسپورٹ پنجاب بلا ل اکبر خان کی میانوالی آمد۔ صوبائی وزیر نے لاری اڈا اور میانوالی سٹیڈیم کادورہ کیا، الیکٹرک بس سروس منصوبہ اور افتتاحی تقریب کے انتظامات کا جائزہ لیا، روٹس اور فراہم کردہ الیکٹرک بسوں کا معائنہ کیا۔اس موقع پر کمشنر سرگودہا ڈویژن جہانزیب اعوان، کنونیئر ڈسٹرکٹ کوآرڈنیشن کمیٹی امانت اللہ خان شادی خیل، سابق ایم پی اے ملک فیروز جوئیہ، ڈپٹی کمشنر اسد عباس مگسی،ڈی پی او کیپٹن ریٹائرڈ رائے محمد اجمل، ایڈیشنل ڈپٹی کمشنر جنرل سلمان احمد لون، اسسٹنٹ کمشنر میانوالی سلمان قیوم شیخ کے علاؤہ دیگر متعلقہ افسران بھی موجود تھے۔صوبائی وزیر ٹرانسپورٹ نے لاری اڈا میں قائم کردہ بس ٹرمینل، الیکٹرک بسوں کی چارجنگ کیلئے نصب پوائنٹس اور افتتاحی تقریب کے انتظامات کاجائزہ بھی لیا۔اس موقع پر متعلقہ افسران نے انہیں وزیرا علیٰ پنجاب کے متوقع دورہ میانوالی اور الیکٹرک بس منصوبہ کی افتتاحی تقریب کے انتظامات سے متعلق انھیں بریفنگ دی۔صوبائی وزیر ٹرانسپوٹ بلا ل اکبر خان نے اس موقع پر میڈیا سے گفتگو کر تے ہو ئے کہا کہ وزیرا علیٰ پنجاب مریم نواز پنجاب بھر میں سب سے پہلے ضلع میانوالی سے الیکٹرک بس منصوبہ کا افتتاح کررہی ہیں جس سے ضلع میانوالی کے شہریوں کو سستی اور جدید سفری سہولیات میسر آئیں گی۔