*محتسب پنجاب نے عالمی معیار سرٹیفکیشن

ISO 9001:2015 کا اعزاز حاصل کرلیا۔اس حوالے سے دفتر محتسب پنجاب، ریجنل آفس میانوالی میں تقریب کا اہتمام کیا گیا۔* جس میں ضلعی انتظامیہ اور مختلف محکمہ جات کے افسران نے شرکت کی۔ اس حوالے سے ایڈوائزر محتسب ریجنل آفس میانوالی ڈاکٹر خالد حسین نے تقریب کے شرکاء سے خطاب کرتےہوئے بتایا کہ محتسب پنجاب کی کاوشوں اور قائدانہ صلاحیتوں کی بدولت دفتر محتسب پنجاب نےبین الاقوامی معیار کی حامل ISO 9001:2015 کوالٹی مینجمنٹ سسٹم (QMS) سرٹیفکیشن حاصل کر کے ایک اہم سنگِ میل عبور کر لیا ہے۔ یہ سرٹیفکیشن ادارے کی اعلیٰ کارکردگی، شفافیت اور سروس ڈلیوری میں تسلسل کے ساتھ بہتری کی واضح عکاسی ہے۔نیز ISO 9001:2015 ایک عالمی سطح پر تسلیم شدہ معیار ہے جو اداروں کے نظم و نسق، خدمات کی فراہمی، صارفین کےاطمینان اور مسلسل بہتری کے لیے رہنما اصول فراہم کرتا ہے۔اس سرٹیفکیشن کے ذریعے یہ تسلیم کیا گیا ہے کہ دفتر محتسب پنجاب نےایک ایسا موثر نظام نافذ کیا ہےجو مکمل طور پر بین الاقوامی معیار سے ہم آہنگ ہے۔تقریب کے شرکاء نے دفتر محتسب پنجاب کو اس اعزازکےحصول پر مبارکباد پیش کی۔