میانوالی
ملک بھر کی طرح ضلع میانوالی میں بھی پولیو مہم کا آغاز کردیا گیا ہے ڈپٹی کمشنر خالد جاوید گورائیہ نے نواحی علاقہ اباخیل میں خانہ بدوشوں کی بستی میں منعقدہ افتتاحی تقریب میں فیتہ کاٹ کر پانچ روزہ قومی انسداد پولیو مہم کا باضابط افتتاح کیا
اس موقع پر ڈپٹی کمشنر نے پانچ سال سے کم عمر کے بچوں کو پولیو ویکسین کے حفاظتی قطرے پلوائے اور بچوں کی انگلیوں پر ان مٹ سیاہی کے نشان بھی لگائے ۔انھوں نے والدین سے اپیل کی کہ وہ محکمہ صحت کی ٹیموں سے تعاون کریں اور اپنے پانچ سال تک کی عمر کے بچوں کو پولیو ویکسین کے حفاظتی قطرے ضرور پلوائیں۔ اس موقع پر سی ای او ہیلتھ ڈاکٹر محمد رفیق خان نیازی نے بتایا کہ پانچ روزہ قومی انسداد پولیو مہم 30 مئی تک جاری رہے گی اور اس مہم کے دوران پانچ سال تک کی عمر کے 3 لاکھ 25 ہزار 831 بچوں کو پولیو ویکسین اور وٹامن اے کے قطرے پلوائیں جائیں گے جس کیلئے محکمہ صحت نے مجموعی طور پر 1404 ٹیمیں تشکیل دی ہیں۔ افتتاحی تقریب میں ڈسٹرکٹ ہیلتھ آفیسر ڈاکٹر میاں کاشف علی کے علاوہ محکمہ صحت کے افسران اور مقامی کمیونٹی کی کثیر تعداد بھی موجود تھی